ఆంధ్రభారతి - తాళ్లపాక అన్నమాచార్య కీర్తనలు - విన్నవించఁగరాదు విచ్చేయుమనరాదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 44-6
సంపుటము: 6-18

తాళ్లపాక అన్నమాచార్య

రాగము: ఆహిరి

విన్నవించఁగరాదు విచ్చేయుమనరాదు అన్ని విన్నపములు అవియె యివియు	॥పల్లవి॥
తూఁగు మంచముమీఁద తొయ్యలి పవ్వళించి వ్రేఁగైన తురు మరవీడఁగాను కాఁగిన మేనితో కన్నుఁ దమ్ముల నీ రాఁగియాడిన మాట లవియె యివియు	॥విన్న॥
గొప్పలయిన చనుఁగొండలా పైపైనె చిప్పిలు చెమ్మట చిందఁగాను చెప్పక చెప్పుచు చెలి తడంబాటుతో నప్పుడాడిన మాట లవియె యివియు	॥విన్న॥
నీవి చెఱఁగు జారి నెలఁత నీ కౌఁగిట కావిక న్నులతోడఁ గరఁగుచును శ్రీ వేంకటేశ్వర చెలరేఁగి నివ్వెర గై వెనుకఁదలంచె నవియె యివియు	॥విన్న॥