ఆంధ్రభారతి - తాళ్లపాక అన్నమాచార్య కీర్తనలు - ఆలాగు పొందులును నటువంటి కూటములు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 5-2
సంపుటము: 1-30

తాళ్లపాక అన్నమాచార్య

రాగము: ఆహిరి

ఆలాగు పొందులును నటువంటి కూటములు యీలాగు లౌట నే డిదె చూడనయితి	॥ఆలాగు॥
అడియాస చూపులకు నాసగించితిఁ గాని ^[1]వెడమాయలని లోను వెదకలేనైతి కడువేడుకలఁ దగిలి గాసిఁ బొందితిఁ గాని యెడలేని పరితాప మెఱఁగలేనైతి	॥ఆలాగు॥
చిరునగవు మాటలకుఁ జిత్తగించితిఁ గాని తరితీపులని లోనుఁ దలఁపలేనైతి వరుస మోహపుఁ బసల వలలఁ జిక్కితిఁ గాని గరువంపుఁ బొలయలుక గానలేనైతి	॥ఆలాగు॥
శ్రీవేంకటేశ్వరునిఁ జింత సేసితిఁ గాని దేవోత్తముని లాగుఁ దెలియలేనైతి యీ వైభవముపై నిచ్చగించితిఁ గాని యీ వైభవానంద మిది పొందనైతి	॥ఆలాగు॥

^[1] ‘వెడమాయ లనిలోను’ అని పూ.ము. పాఠపదవిభాగము.