ఆంధ్రభారతి - తాళ్లపాక అన్నమాచార్య కీర్తనలు - ఎంతటివారలు నెవ్వరును హరిఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 5-3
సంపుటము: 1-32

తాళ్లపాక అన్నమాచార్య

రాగము: గుండక్రియ

ఎంతటివారలు నెవ్వరును హరిఁ జింతించక నిశ్చింతులు గారు	॥ఎంతటి॥
అతిజితేంద్రియులు ననశనవ్రతులు నతులతపోధనులగువారు చతురానన గురుస్మరణము దొరకక తతి నూరక పుణ్యతములు గారు	॥ఎంతటి॥
అనఘులు శాంతులు నధ్యాత్మతతులు ననుపమపుణ్యులు యాజకులు వనజోదరు ననవరతముఁ దలఁచక వినుతిస్మృతికిని విబుధులు గారు	॥ఎంతటి॥
దురితవిదూరులు దుర్మతిహీనులు నిరతానందులు నిత్యులును తిరువేంకటగిరిదేవుని గొలువక పరమార్గమునకు బ్రహ్మలు గారు	॥ఎంతటి॥