పరమపాతకుఁడ భవబంధుఁడ శ్రీ- హరి నినుఁ దలఁచ నే నరుహుఁడనా	॥పరమ॥
అపవిత్రుఁడ నే నమంగళుఁడఁ గడు- నపగతపుణ్యుఁడ [1]నలసుఁడను కపటకలుషపరికరహృదయుఁడ నే- నపవర్గమునకు నరుహుఁడనా	॥పరమ॥
అతిదుష్టుఁడ నే నధికదూషితుఁడ హతవివేకమతి [2]నదయుఁడను [3]పతిలేని రమాపతి మిముఁ దలఁచలే- నతులగతికి నే నరుహుఁడనా	॥పరమ॥
అనుపమవిషయపరాధీనుఁడ నే- ననంతమోహభయాతురుఁడ వినుతింపఁగ దిరువేంకటేశ ఘను- లనఘులు గాక నే నరుహుఁడనా	॥పరమ॥

---

^[1][2] ‘సలసుఁడను’ ‘సదయుఁడను’ అని పూ.ము.పా.

^[3] ‘సతి’ ప్రతిశబ్దభవము కావచ్చు.