ఆంధ్రభారతి - తాళ్లపాక అన్నమాచార్య కీర్తనలు - ఎంత బోధించి యేమి సేసినఁ దన- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 67-2
సంపుటము: 1-347

తాళ్లపాక అన్నమాచార్య

రాగము: నాట

ఎంత బోధించి యేమి సేసినఁ దన- దొంతికర్మములు తొలఁగీనా	॥ఎంత॥
సతతదురాచారజడునకుఁ బుణ్యసం- గతి దలపోసినఁ గలిగీనా అతిపాపకర్మబోధకుఁడై వెలయు దుష్టు మతిఁ దలపోసిన మరి కలిగీనా	॥ఎంత॥
బహుజీవహింసాపరుఁడైనవానికి యిహపరములు దైవ మిచ్చీనా విహితకర్మములు విడిచినవానికి సహజాచారము జరిగీనా	॥ఎంత॥
దేవదూషకుఁడై తిరిగేటివానికి దేవతాంతరము దెలిసీనా శ్రీవేంకటేశ్వరుఁ జింతిపకుండిన పావనమతుఁడై(మతియై?) బ్రతికీనా	॥ఎంత॥