ఏఁటిబ్రదుకు యేఁటిబ్రదుకు । వొక్క- మాటలోనే యటమటమైన బ్రదుకు	॥ఏఁటి॥
సంతకూటములే చవులయిన బ్రతుకు దొంతిభయములతోడి బ్రదుకు ముంతనీళ్ళనే మునిఁగేటి బ్రదుకు వంతఁ బొరలి కడవరం[1] లేని బ్రదుకు	॥ఏఁటి॥
మనసు చంచలమే మనువయిన బ్రదుకు దినదినగండాలఁ దీరు బ్రదుకు తనియ కాసలనె తగిలేటి బ్రదుకు వెనకముందర చూడ వెరపయిన బ్రదుకు	॥ఏఁటి॥
[2]తెగి చేఁదె తీపయి తినియేటి బ్రదుకు పగవారి పంచలపాలైన[3] బ్రదుకు తగు వేంకటేశ్వరుఁ దలఁచని బ్రదుకు పొగకు నోపక మంటఁ బొగిలేటి బ్రదుకు	॥ఏఁటి॥

---

^[1] ‘కడవల’ కావచ్చు.

^[2] ‘చెడి’ పూ.ము.పా. ప్రాసభంగము, యతిభంగము.

^[3] (నిడురేకు 53) పాలిబ్రదుకు.