ఆంధ్రభారతి - తాళ్లపాక అన్నమాచార్య కీర్తనలు - అందరి కాధారమైన‌ ఆదిపురుషుఁ డీతఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 67-6
సంపుటము: 1-351

తాళ్లపాక అన్నమాచార్య

రాగము: సామంతం

అందరి కాధారమైన‌ ఆదిపురుషుఁ డీతఁడు విందై మున్నారగించె విదురునికడ నీతఁడు	॥అందరి॥
సనకాదులు గొనియాడెడి సర్వాత్మకుఁ డీతఁడు వనజభవాదులకును దైవంబైనతఁ డీతఁడు యినమండలమునఁ జెలఁగేటి హితవైభవుఁ డీతఁడు మునువుట్టిన ^[1] దేవతలకు మూలభూతి యీతఁడు	॥అందరి॥
సిరులొసఁగి యశోదయింట శిశువైనతఁ డీతఁడు ధర నావులమందలలో తగఁ జరించె నీతఁడు సరసతలను గొల్లెతలకుఁ జనవులొసఁగె నీతఁడు అరసి కుచేలునియడుకు లా ^[2]రగించె నీతఁడు	॥అందరి॥
పంకజభవునకును బ్రహ్మపద మొసఁగెను యీతఁడు సంకీర్తన లాద్యులచే జట్టిగొనియె నీతఁడు తెంకిగ నేకాలముఁ బరదేవుఁడయిన యీతఁడు వేంకటగిరిమీఁద బ్రభల వెలసిన ఘనుఁ డీతఁడు	॥అందరి॥

^[1] (నిడురేకు 70) ముట్టిన.

^[2] (నిడురేకు 70) కులనార.