ఆంధ్రభారతి - తాళ్లపాక అన్నమాచార్య కీర్తనలు - ఎక్కడ చొచ్చెడి దీభవమేదియుఁ గడపల గానము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 69-4
సంపుటము: 1-361

తాళ్లపాక అన్నమాచార్య

రాగము: బౌళి

ఎక్కడ చొచ్చెడి దీభవమేదియుఁ గడపల గానము వుక్కునఁ బరితాపానల మూదక మండెడిని	॥ఎక్కడ॥
హృదయవికారము మాన్పఁగ నేతెరఁగును సమకూడదు మదనానందము చెరుపఁగ మందేమియు లేదు పొదలిన దేహగుణంబులఁ బోనడువఁగ గతి గానము బ్రదికించిన కోరికెలకుఁ బ్రాయము దిరిగినది	॥ఎక్కడ॥
కమలిన యజ్ఞానం బిది కన్నులముందరఁ గానదు తిమిరము పొదిగొని చూడ్కికి దెరువేమియు లేదు తెమలని యాశాపాశము తెంపఁగ సత్వము చాలదు మమకారము వెడలింపఁగ మతి యెప్పుడు లేదు	॥ఎక్కడ॥
దురితంబులు పుణ్యంబులు తొడిఁబడ నాత్మనుఁ బెనగొని జరగఁగ శరీరధారికి సత్కర్మము లేదు తిరువేంకటగిరిపతియగు దేవశిఖామణిపాదము శరణని బ్రదుకుట దప్పను సన్మార్గము లేదు	॥ఎక్కడ॥