ఆంధ్రభారతి - తాళ్లపాక అన్నమాచార్య కీర్తనలు - ప్రాణుల నేరమి గాదిది బహుజన్మపరంపరచే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 69-5
సంపుటము: 1-362

తాళ్లపాక అన్నమాచార్య

రాగము: గుండక్రియ

ప్రాణుల నేరమి గాదిది బహుజన్మపరంపరచే ప్రాణులు సేసిన తమతమ పాపఫలము గాని	॥ప్రాణుల॥
హరి సకలవ్యాపకుఁడని అందరుఁ జెప్పఁగ నెరిఁగియు పరదైవంబులఁ గొలువక పాయరు మానవులు నరపతి భూమేలఁగ భూవరు భజియింపఁగ నొల్లక పరిసరవర్తుల బెంబడిఁ బనిసేనినయట్లు	॥ప్రాణుల॥
పొందుగ తమతమ సేసిన పూజలు మ్రొక్కులు గైకొను(న?) అందముగాఁ బురుషోత్తముఁ డాతఁడే కలఁడనియు అందరు నెరిఁగియు యితరులఁ జెందుదు రున్నతశైలము నందక చేరున తరువుల నందుకొనినయట్లు	॥ప్రాణుల॥
శ్రీవేంకటపతి యొక్కఁడె చెప్పఁగ జగములకెల్లను దైవము నాతుమలోపలి ధనమనఁగా వినియు సేవింపరు పామరు లీదేవుని మధురంబొల్లక వావిరిఁ బులుసులు చేఁదులు వలెననుకొనునట్లు	॥ప్రాణుల॥