ఘోరదురితములచే గుణవికారములచే- నీరీతిఁ బడు నాకు నేది దెరువు	॥ఘోర॥
హరి జగన్నాథు [1]లోకారాధ్యు- నెరఁగనేరనివాని కేది దెరువు పరమపురుషుని జగద్భరితు నంతర్వ్యాప్తి- నిరవు కొలుపనివాని కేది దెరువు	॥ఘోర॥
శ్రీవేంకటేశుఁ దలఁచిన వెనక సకలంబు నేవగింపనివారి కేది దెరువు దేవోత్తముని మహిమ దెలిసి తెలియఁగలేని యీ వివేకంబునకు నేది దెరువు	॥ఘోర॥

---

^[1] ఇందు ‘అఖిలాత్మవంటి’ పామొకటి యైదుమాత్రలది లోపించినది గాఁబోలును.