ఆంధ్రభారతి - తాళ్లపాక అన్నమాచార్య కీర్తనలు - అణురేణుపరిపూర్ణుఁడైన శ్రీవల్లభునిఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 70-2
సంపుటము: 1-365

తాళ్లపాక అన్నమాచార్య

రాగము: శ్రీరాగం, జంపెతాళం

అణురేణుపరిపూర్ణుఁడైన శ్రీవల్లభునిఁ బ్రణుతించువారువో బ్రాహ్మలు	॥అణు॥
హరి నామములనె సంధ్యాది విధులొనరించు పరిపూర్ణమతులువో బ్రాహ్మలు హరిమంత్ర వేదపారాయణులు హరిభక్తి- పరులైనవారువో బ్రాహ్మలు	॥అణు॥
యేమి చూచినను హరి యిన్నిటాఁ గలఁడనుచు భావించువారువో బ్రాహ్మలు దేవకీనందనుఁడె దేవుఁడని మతిఁదెలియు పావనులు వారువో బ్రాహ్మలు	॥అణు॥
ఆదినారాయణుని ననయంబుఁ దమ యాత్మఁ బాదుకొలిపినవారు బ్రాహ్మలు వేదరక్షకుఁడైన వేంకటగిరీశ్వరుని పాదసేవకులువో బ్రాహ్మలు	॥అణు॥