ఆంధ్రభారతి - తాళ్లపాక అన్నమాచార్య కీర్తనలు - మనసిజగురుఁ డితఁడో మరియుఁ గలఁడో వేద- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 6-2
సంపుటము: 1-37

తాళ్లపాక అన్నమాచార్య

రాగము: శ్రీరాగం

మనసిజగురుఁ డితఁడో మరియుఁ గలఁడో వేద- వినుతుఁ డీతఁడు గాక వేరొకఁడు గలఁడో	॥మనసిజ॥
అందరికి నితఁడెపో అంతరాత్ముఁడనుచు- నందు రితఁడో మఱియు నవల నొకఁడో నందకధరుఁడు జగన్నాథుఁ డచ్చుఁతుడు గో- విందుఁ డీతఁడుగాక వేరొకఁడు గలఁడో	॥మనసిజ॥
తనర నిందరికిఁ ^[1]జైతన్యమొసఁగిన యాతఁ- డొనర నితఁడో మఱియు నొకఁడు గలఁడో దినకరశతతేజుఁడగు దేవదేవుఁడు త- ద్వినుతుఁ డితఁడుగాక వేఱొకఁడు గలఁడో	॥మనసిజ॥
పంకజభవాదులకుఁ బరదైవ మీతఁడని అంకింతు రితఁడో అధికుఁ డొకఁడో శాంకరీస్తోత్రములు సతతమునుఁ గైకొనెడి వేంకటవిభుఁడో కాక వేరొకఁడు గలఁడో	॥మనసిజ॥

^[1] ‘జేతన్య’ అని రేకు.