ఆంధ్రభారతి - తాళ్లపాక అన్నమాచార్య కీర్తనలు - ఎట్టు వేగించే దిందుకేగురే సితరకాండ్లు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 78-1
సంపుటము: 1-370

తాళ్లపాక అన్నమాచార్య

రాగము: శ్రీరాగం

^[1]ఎట్టు వేగించే దిందుకేగురే సితరకాండ్లు వెట్టివేమి సేయుమంటా వెన్నడించే రిపుడు	॥ఎట్టు॥
వొంటికాలఁ గుంటికుంటి వూరిబందెలకుఁ జిక్కి పంటదాఁకా దున్నె నొక్కపసురము గంటుగంటులాక లొత్తి కల్లల నడిమిపంట కుంటివాఁడు గావలుండి కుప్ప లేరుపరచె	॥ఎట్టు॥
కలది కుక్కిమంచము కన్నవారెల్లాఁ బండేరు తలెతో ^[2]దొగ్గినంబలి దావకూళ్ళు వెలిఁ గంతల కొంపలు వీడుఁ బట్లు చూపేరు తలవరులెందులోనాఁ దప్పు వెదకేరు	॥ఎట్టు॥
వొళ్ళుచెడ్డవాఁ డొకఁడు వుభయమార్గము గొని కల్లదొర పుట్టుబడి కడుఁగట్టీని చల్లని శ్రీవేంకటేశ సకలలోకపతివి యిల్లిదె నీశరణంటి మిందరిని గావవే	॥ఎట్టు॥

^[1] దీని భావము స్పష్టమగుట లేదు.

^[2] ‘డొగ్గి’ రేకు.