ఆంధ్రభారతి - తాళ్లపాక అన్నమాచార్య కీర్తనలు - దేవ నీవిచ్చేయందుకు దీనికిఁ గా నింతయేల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 78-3
సంపుటము: 1-372

తాళ్లపాక అన్నమాచార్య

రాగము: బౌళి

దేవ నీవిచ్చేయందుకు దీనికిఁ గా నింతయేల యేవేళ మా యెరుకలు యెందుకుఁ గొలుపును	॥దేవ॥
యెవ్వరి వసములు బుద్దెరిఁగి నడచేమన యివ్వల నారాయణ నీవియ్యక లేదు దవ్వు చేరువ మనసు తన యిచ్చయితేఁ గనక రవ్వగ మృగాదులెల్ల రాజ్యమేలనేరవా	॥దేవ॥
సారెకు నిన్నుఁ దలపించ జంతువుల వసమా కేరి నీవు జిహ్వఁ బరికించఁగాఁ గాక యీరీతి లోకమెల్లాఁ దమ యిచ్చ కొలఁదుల నయితే దూరానఁ గొక్కెరలు చదవవా వేదాలు	॥దేవ॥
యిందరి పాపపుణ్యాలు యిన్నియు నీ చేఁతలే కుందవ స్వతంత్రులు గారు గాన చందపు శ్రీవేంకటేశ శరణంటి నిదె నీకు చెంది నీవే కాతుగాక చేఁతలూనువలెనా	॥దేవ॥