ఆంధ్రభారతి - తాళ్లపాక అన్నమాచార్య కీర్తనలు - పరుసమొక్కటే కాదా పయిఁడిగాఁ జేసేది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 78-4
సంపుటము: 1-373

తాళ్లపాక అన్నమాచార్య

రాగము: సామంతం

పరుసమొక్కటే కాదా పయిఁడిగాఁ జేసేది అరయ లోహమెట్టున్నా నందుకేమీ	॥పరుస॥
వనజనాభుని భక్తి వదలకుండినఁ జాలు మనసు యెందు దిరిగినా మరి యేమి మొనసి ముద్రలు భుజముల నుండితేఁ జాలు తనువెంత హేయమైనా దానికేమి	॥పరుస॥
శ్రీకాంతు నామము జిహ్వఁ దగిలితే జాలు యే కులజుఁడైనాను హీనమేమి సాకారుఁడైన హరి శరణుచొచ్చినఁ జాలు చేకొని పాపము లెన్ని చేసిననేమి	॥పరుస॥
జీవుఁ డెట్టున్నానేమి జీవునిలో యంతరాత్మ శ్రీవేంకటేశున కా చింతయేమి యే వలనఁ బరమైన యిహమైన మాకుఁ జాలు కైవశమాయ నతఁడు కడమలింకేమీ	॥పరుస॥