ఆంధ్రభారతి - తాళ్లపాక అన్నమాచార్య కీర్తనలు - మిన్నక వేసాలు మాని మేలుకోవయ్యా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 78-5
సంపుటము: 1-374

తాళ్లపాక అన్నమాచార్య

రాగము: భూపాళం

మిన్నక వేసాలు మాని మేలుకోవయ్యా సన్నల నీ యోగనిద్ర చాలు మేలుకోవయ్యా	॥మిన్నక॥
ఆవులు పేయలకుఁ గా నఱచీఁ బిదుకవలె గోవిందుఁడ యింక మేలుకొనవయ్యా ఆవలీవలి పడుచు లాటలు మరిగివచ్చి త్రోవ గాచుకున్నారు ప్రొద్దున మేలుకోవయ్యా	॥మిన్నక॥
వాడల గోపికలెల్లా వచ్చి నిన్ను ముద్దాడఁ గూడియున్నా రిదే మేలుకోవయ్యా తోడనే యశోద గిన్నెతోఁ బెరుగు వంటకము యీడకుఁ దెచ్చిపెట్టె నిఁక మేలుకోవయ్యా	॥మిన్నక॥
పిలిచీ నందగోపుఁడు పేరుకొని యదె కన్నుఁ- గొలుకులు నిచ్చి మేలుకొనవయ్యా అలరిన శ్రీవేంకటాద్రిమీఁది బాలకృష్ణ యిల మా మాటలు వింటి విఁక మేలుకోవయ్యా	॥మిన్నక॥