ఆంధ్రభారతి - తాళ్లపాక అన్నమాచార్య కీర్తనలు - నీ యాజ్ఞ దల మోచి నీదేహధారి నైతి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 79-1
సంపుటము: 1-376

తాళ్లపాక అన్నమాచార్య

రాగము: రామక్రియ

నీ యాజ్ఞ దల మోచి నీదేహధారి నైతి యీ యెడ గోవిందుఁడ నే నీడేరే దెట్లో	॥నీ యాజ్ఞ॥
తనువు వేసరినాను తలఁపు వేసరదు ధనము గడించెడి తరితీపున చెనకి మగఁడు విడిచిన మామ విడువని పనియాయ హరి నా బదుకుజాడ యెట్లో	॥నీ యాజ్ఞ॥
పాయము ముదిసినాను భావము ముదియదు వేయైనా సంసారవిషయాలను వోయయ్య కలివోసి నా వుట్లదిక్కు చూచేది మాయదాయ నిఁక నా మనసు జాడెట్లో	॥నీ యాజ్ఞ॥
కడలేని నా విధులు కన్నులారఁ జూచి నీవు నడుమ శ్రీవేంకటేశ నన్ను నేలితి నొడుగులు దప్పినాను నోముఫలము దప్పని అడియాల మబ్బె నాకు నానతిచ్చి తెట్లో	॥నీ యాజ్ఞ॥