ఆంధ్రభారతి - తాళ్లపాక అన్నమాచార్య కీర్తనలు - కింకదీర ‘న దైవం కేశవాత్పర’ మని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 82-3
సంపుటము: 1-395

తాళ్లపాక అన్నమాచార్య

రాగము: ధన్నాసి

కింకదీర ‘న దైవం కేశవాత్పర’ మని ఉంకువైన నాలో నీ వుపమలివే	॥కింక॥
కంటి నీవొక్కఁడవే లోకములకు దైవమని వొంటి మఱి నిన్నుఁ బోల నొకరిఁ గాన వింటి నీవే ఘనమని వేదాంతమందు నీ- కంటె నితరము వినఁ గరుణానిధీ	॥కింక॥
తోఁచె నాకు నీ సేవే తుదిపదమని; మఱి తోఁచ దీబుద్ధికి; సరితూఁగ దెందును పూఁచి నా గురుఁడు నిన్నే బోధించేగాని మఱి దాఁచఁడాయ నీ మహిమ ధరణీధరా	॥కింక॥
సమ్మతించె నా మతి జవియైనా(నీ?) కథలె సమ్మతించ ^[1]దెక్కడో రచ్చల సుద్దులు నమ్మిక శ్రీవేంకటేశ నంటున నీ పాదాలే నమ్మితి నేమియు నమ్మ నారాయణా	॥కింక॥

^[1] ‘నెక్కడో’ పూ.ము.పా.