అదిగాక నిజమతం బదిగాక యాజకం- బదిగాక హృదయసుఖ మదిగాక పరము	॥అది॥
అమలమగు విజ్ఞానమను మహాధ్వరమునకు నమరినది సంకల్పమను మహాపశువు ప్రమదమను యూపగంబమున విశసింపించి [1]విమలేందు(ద్రి?) యాహుతులు వేల్పంగవలదా	॥అది॥
అరయ నిర్మమకార మాచార్యుఁడై చెలఁగ వరుసతో ధర్మదేవత బ్రహ్మ గాఁగ దొరకొన్న శమదమాదులు దానధైర్యభా- స్వరగుణాదులు విప్రసమితి గావలదా	॥అది॥
తిరువేంకటాచలాధిపు నిజధ్యానంబు నరులకును సోమపానంబు గావలదా పరగ నాతని కృపాపరిపూర్ణజలధిలో నరుహులై యవబృథం [2]బాడంగవలదా	॥అది॥

---

^[1] పూ.ము. పరిష్కర్తలు సవరణములందంతట ఇట్లు చూపియుండిన చాల బాగుండెడిది.

^[2] ‘బాడఁగ’ అని రేకు.