ఆంధ్రభారతి - తాళ్లపాక అన్నమాచార్య కీర్తనలు - మొదలుండఁ గొనలకు మోచి నీళ్ళువోయనేల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 94-2
సంపుటము: 1-466

తాళ్లపాక అన్నమాచార్య

రాగము: భైరవి

మొదలుండఁ గొనలకు మోచి నీళ్ళువోయనేల యెదలో నీవుండఁగా నితరములేలా	॥మొదలు॥
నిగమమార్గముననే నడచేనంటే నిగమములెల్లను నీ మహిమే జగము లోకులఁ జూచి జరగెదనంటే జగములు నీ మాయ ^[1]జనకములు	॥మొదలు॥
మనసెల్ల నడ్డపెట్టి మట్టున నుండేనంటే మనసు కోరికలు నీ మతకాలు తనువు నింద్రియములు తగ గెలిచేనంటే తనువు నింద్రియములు దైవమ నీ మహిమ	॥మొదలు॥
యింతలోని పనికిఁగా యిందు నందుఁ జొరనేల చెంత నిండుచెరువుండ చెలమలేలా పంతాన శ్రీవేంకటేశ పట్టి నీకే శరణంటి సంతకూటాల ధర్మపుసంగతి నాకేలా	॥మొదలు॥

^[1] ‘జనితములు’ కావచ్చు.