ఆంధ్రభారతి - తాళ్లపాక అన్నమాచార్య కీర్తనలు - అన్నిటికి గారణము హరియే ప్రపన్నులకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 94-6
సంపుటము: 1-470

తాళ్లపాక అన్నమాచార్య

రాగము: దేసాళం

అన్నిటికి గారణము హరియే ప్రపన్నులకు పన్నిన లోకులకెల్ల ప్రకృతి కారణము	॥అన్నిటికి॥
తలఁపు గారణము తత్వవేత్తలకును చలము గారణము సంసారులకును ఫలము గారణము పరమవేదాంతులకు కలిమి గారణము కర్ములకును	॥అన్నిటికి॥
తన యాత్మ గారణము తగిన సుజ్ఞానులకు తనువే కారణము తగ జంతువులకు ఘనము క్తి గారణము కడ గన్నవారికెల్లా కనకమే కారణము కమ్మిన బంధులకు	॥అన్నిటికి॥
దేవుఁడు గారణము తెలిసినవారికెల్లా జీవుడు గారణము చిల్లరమనుజులకు దేవుడు వేరే కాఁడు దిక్కు శ్రీవేంకటేశుఁడే పావన మాతని కృప పరమకారణము	॥అన్నిటికి॥