ఆంధ్రభారతి - తాళ్లపాక అన్నమాచార్య కీర్తనలు - ఇందిరాపతి మాయలు యింతులు సుండీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 98-6
సంపుటము: 1-494

తాళ్లపాక అన్నమాచార్య

రాగము: ముఖారి

ఇందిరాపతి మాయలు యింతులు సుండీ మందలించి హరిఁ గొల్చి మనుదురుగాని	॥ఇందిరా॥
అతివల చూపులే ఆయాలు దాఁకీఁ జుండీ జితమైన పులకల జిల్లులౌఁ జుండీ రతిపరవశములు రాఁగిన మూర్ఛలు సుండీ మతిలోఁ దప్పించుక మనుదురుగాని	॥ఇందిరా॥
మెఱయించే చన్నులే మించుఁ బెట్లుగుండ్లు సుండీ మెఱుఁగు మోవులే మచ్చుమేపులు సుండీ మఱి మంచిమాటలు మాయపుటురులు సుండీ మఱవక తప్పించుక మనుదురుగాని	॥ఇందిరా॥
బలుసంసారపు పొందు పాముతోడి పొత్తు సుండీ వెలలేని వలపులు విషము సుండీ యెలమితో శ్రీవేంకటేశ్వరు మఱఁగు చొచ్చి మలయుచు సొలయుచు మనుదుచుగాని	॥ఇందిరా॥