ఆంధ్రభారతి - తాళ్లపాక అన్నమాచార్య కీర్తనలు - అంచితపుణ్యులకైతే హరి దైవమవుఁ గాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 99-4
సంపుటము: 1-498

తాళ్లపాక అన్నమాచార్య

రాగము: దేసాక్షి

అంచితపుణ్యులకైతే హరి దైవమవుఁ గాక పంచమహాపాతకుల భ్రమ వాప వశమా	॥అంచిత॥
కానని యజ్ఞానులకు కర్మమే దైవము ఆనిన బద్ధులకు దేహమే దైవము మానని కాముకులకు మగువలే దైవము పానిపట్టి వారివారి భ్రమ మాన్ప వశమా	॥అంచిత॥
యేమీ నెఱఁగనివారి కింద్రియములు దైవము దోమటి సంసారి కూరదొర దైవము తామసుల కెల్లాను ధనమే దైవము పామరుల బట్టినట్టి భ్రమఁ బాప వశమా	॥అంచిత॥
ధర నహంకారులకు తాఁ దానే దైవము దరిద్రుఁడైనవారికి దాత దైవము యిరవై మాకు శ్రీవేంకటేశుఁడే దైవము పరుల ముంచినయట్టి భ్రమఁ బాప వశమా	॥అంచిత॥