ఆంధ్రభారతి - తాళ్లపాక అన్నమాచార్య కీర్తనలు - ఎట్టయినాఁ జేయుము యిఁక నీ చిత్తము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 99-5
సంపుటము: 1-499

తాళ్లపాక అన్నమాచార్య

రాగము: మలహరి

ఎట్టయినాఁ జేయుము యిఁక నీ చిత్తము కిట్టిన నీ సంకీర్తనపరుఁడ	॥ఎట్టయునా॥
కొందరు జ్ఞానులు కొందరు భక్తులు కొందరు వైరాగ్యకోవిదులు యిందరిలో నే నెవ్వఁడఁ గా నిదె సందడి హరి నీ శరణాగతుఁడ	॥ఎట్టయునా॥
జపితలు గొందరు శాస్త్రులు గొందరు ప్రపత్తిఁ గొందరు బలువులు వుపమించఁగ ^[1]ని న్నొకఁడా గా నిందు కపురుల నీ డింగరీఁడ నేను	॥ఎట్టయునా॥
ఆచార్యపురుషులు అవ్వలఁ గొందరు యేచిన సమయులై యేర్పడిరి కాచేటి శ్రీవేంకటపతి నేనైతే తాచి నీ దాసుల దాసుఁడను	॥ఎట్టయునా॥

^[1] ‘నేనొకఁడా’ కావచ్చు.