ఆంధ్రభారతి - తాళ్లపాక అన్నమాచార్య కీర్తనలు - నదు లొల్లవు నా స్నానము కడు- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 8-3
సంపుటము: 1-51

తాళ్లపాక అన్నమాచార్య

రాగము: ముఖారి

నదు లొల్లవు నా స్నానము కడు- సదరము నాకీ స్నానము	॥నదు॥
ఇరువంకల ^[1]నీ యేచిన ముద్రలు ధరియించుటే నా స్నానము ధరపై నీ నిజదాసుల దాసుల చరణధూళి నా స్నానము	॥నదు॥
తలఁపులోన నినుఁ దలఁచినవారలఁ దలఁచుటే నా స్నానము వలనుగ నినుఁ గనువారల శ్రీపాద- జలములే నా స్నానము	॥నదు॥
పరమభాగవతపాదాంబుజముల దరుశనమే నా స్నానము తిరువేంకటగిరిదేవ నీ కథా- స్మరణమే నా స్నానము	॥నదు॥

^[1] ‘నీవేచిన’ అని పూ.ము.పా.