ఆంధ్రభారతి - తాళ్లపాక అన్నమాచార్య కీర్తనలు - ఏకతాన వున్నవాఁడు యిదివో వీఁడె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
శ్రీరంగం రేకు: 98-6
సంపుటము: 1-512

తాళ్లపాక అన్నమాచార్య

రాగము: మలహరి

^[1]ఏకతాన వున్నవాఁడు యిదివో వీఁడె చేకొని మొక్కరో మీరు చేతులెత్తి యిపుడు	॥ఏకతాన॥
మంచిమంచి పన్నీట మజ్జన మవధరించి పంచమహావాద్యాలతో పరమాత్ముఁడు అంచలఁ గప్పురకాపు అంగముల మెత్తికొని కొంచక నిలుచున్నాఁడు గోణాముతోడను	॥ఏకతాన॥
తట్టుపుణుఁ గామీఁద దట్టముగ నించుకొని తెట్టెలై వేదనాదాల దేవదేవుఁడు గుట్టుతోడ సొమ్ములెల్లా(ఁ?) గుచ్చికుచ్చి కట్టుకొని వెట్టదీర సురట్ల విసరించుకొంటాను	॥ఏకతాన॥
తనిసి యలమేల్మంగఁ దాళిఁగా గట్టుకొనె వెనుకొని యిదివో శ్రీవేంకటేశుఁడు మునుకొని యారగించి మూఁడులోకములు మెచ్చ చనవరి సతులలో సరసమాడుతాను	॥ఏకతాన॥

^[1] ఈ పాటలెల్లా స్వామి మజ్జనమును వర్ణించినవే. ఆ స్నానవేళ స్వామిలో అక్కడక్కడ కనబడిన శృంగారరేఖలు, అధ్యాత్మమునకును సహజములే.