ఆంధ్రభారతి - తాళ్లపాక అన్నమాచార్య కీర్తనలు - అతిసులభం బిది యందరిపాలికి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 102-4
సంపుటము: 2-10

తాళ్లపాక అన్నమాచార్య

రాగము: మలహరి

అతిసులభం బిది యందరిపాలికి గతియిది శ్రీపతి కైంకర్యంబు	॥పల్లవి॥
పాలసముద్రము బలిమిఁ దచ్చికొని- రాలరిదేవత లమృతమును నాలుక నిదె హరినామపుటమృతము యేల కానరో యిహపరసుఖము	॥అతి॥
అడరి బాఁతిపడి యవని దేవతలు బడివాయరు యజ్ఞభాగాలకు విడువక చేతిలో విష్ణుప్రసాదము కడిగడియైనది కానరు గాని	॥అతి॥
యెక్కుదురు దిగుదు రేడులోకములు పక్కనఁ దపముల బడలుచును చిక్కినాఁడు మతి శ్రీవేంకటేశ్వరుఁ - డిక్కడి తుదిపద మెఱఁగరు గాని	॥అతి॥