అధ్యాత్మ సంకీర్తన
రేకు: 8-6
సంపుటము: 1-54
రేకు: 8-6
సంపుటము: 1-54
తాళ్లపాక అన్నమాచార్య
రాగము: భూపాళం
| నీ కథామృతము నిరత సేవన నాకు చేకొనుట సకలసంసేవనం బటుగాన | ॥నీ కథా॥ |
| ఇదియె మంత్రరాజము నాకు నేప్రొద్దు నిదియె వేదసంహితపాఠము యిదియె బహుశాస్త్రమెల్లఁ జదువుట నాకు నిదియె సంధ్య నా కిదియ జప మటుగాన | ॥నీ కథా॥ |
| యిదియె బ్రహ్మవిద్యోపదేశము నాకు నిదియె దుఃఖవిరహితమార్గము యిదియె భవరోగహితభేషజము నాకు నిదియె వుపనిషద్వాక్యపద్ధతిగాన | ॥నీ కథా॥ |
| యిదియె దానఫల మీఁజాలినది నాకు యిదియే తలఁపఁ బరహితకర్మము యిదియె తిరువేంకటేశ నీసంస్మరణ మిదియె యిదియె ఇన్నియును నటుగాన | ॥నీ కథా॥ |


