ఆంధ్రభారతి - తాళ్లపాక అన్నమాచార్య కీర్తనలు - ఏమందురు యీమాటకు నిందరూ నిన్ను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 106-6
సంపుటము: 2-36

తాళ్లపాక అన్నమాచార్య

రాగము: వరాళి

ఏమందురు యీమాటకు నిందరూ నిన్ను నీ మాయ యెంతైనా నిన్ను మించవచ్చునా	॥పల్లవి॥
నేను నిన్నుఁ గొలిచితిని నీవు నన్ను నేలితివి పాని పంచేంద్రియాలేల పనిగొనీని కానిలేని బంట్లఁ దేరకాండ్లు వెట్టిగొనఁగ దానికి నీ కూరకుండ ధర్మమా సర్వేశ్వరా	॥ఏమం॥
పుట్టించినాఁడవు నీవు పుట్టినవాఁడను నేను పట్టి కర్మమేల నన్ను బాధపెట్టీని వొట్టినసొమ్ముకు వేరొకరు చేయిచాఁచితే తట్టి నీవు వహించుకోఁదగదా సర్వేశ్వరా	॥ఏమం॥
యెదుట నీవు గలవు యిహములో నేఁ గలను చెదరిన చిత్తమేల చిమ్మిరేఁచీని అదన శ్రీవేంకటేశ అరితేరినట్టినన్ను వదలక రక్షించుకో వన్నెగా సర్వేశ్వరా	॥ఏమం॥