ఆంధ్రభారతి - తాళ్లపాక అన్నమాచార్య కీర్తనలు - తుద సమస్తమును దుర్లభమే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 107-6
సంపుటము: 2-42

తాళ్లపాక అన్నమాచార్య

రాగము: లలిత

తుద సమస్తమును దుర్లభమే అదె సులభుఁడు మాహరి యొకఁడే	॥పల్లవి॥
సురలును నరులును సొంపగు సిరులును వొరసిన నిన్నియు నుపాధులే నిరుపాధికుఁడును నిజకరుణానిధి అరయఁగ నిదె మాహరి యొకఁడే	॥తుద॥
అందరియీవులు నఖిలకర్మములు అందఁగరాని ప్రయాసములే యిందిరారమణి నేచిన సేవిది చెందరు సుజనులు చెప్పంగలదె	॥తుద॥
యితరోపాయము లేవి చూచినా శ్రుతివిరహితములు శూన్యములే రతి శ్రీవేంకటరమణునిమతి యిది హితపరిపూర్ణం బిది యొకటే	॥తుద॥