ఆంధ్రభారతి - తాళ్లపాక అన్నమాచార్య కీర్తనలు - కంటిమి రెంటికి భూమి గలుగు దృష్టాంతము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 115-2
సంపుటము: 2-86

తాళ్లపాక అన్నమాచార్య

రాగము: సాళంగనాట

కంటిమి రెంటికి భూమి గలుగు దృష్టాంతము గొంటరి రావణునందు గుహునియందు	॥పల్లవి॥
నీదాస్యముగల నీచజన్మమైన మేలు యేదియు నెఱఁగనట్టి యెక్కువ జన్మానకంటే వాదపుగర్వము లేదు వట్టియాచారము లేదు సాదించి నైచ్యానుసంధానమే కాని	॥కంటి॥
మిమ్ముఁ దలపుచుఁ జేయు మృగయానయైన మేలు సొమ్ముపోక మీకుఁగాని సుకృతము సేయుకంటె దిమ్మరిజన్మము లేదు తెగనికోరిక లేదు పమ్మి నీపైఁ బెట్టినట్టి భారమేకాని	॥కంటి॥
దిక్కులు సాధించుకంటె తెలిసి శ్రీవేంకటేశు- దిక్కు నీనామమే కా సాధించుటే మేలు యెక్కువ తక్కువ లేదు యెఱు కెఱఁగమి లేదు చక్కజాడతో నీకు శరణంటేఁగాని	॥కంటి॥