ఏది చూచినా నీవే యిన్నియును మఱి నీవే వేదవిరహితులకు వెఱతు మటుగాన	॥ఏది॥
ఇరవుకొని రూపంబులిన్నిటానుఁ గల నిన్నుఁ బరికించవలెఁగాని భజియింపరాదు గరిమ చెడి [1]సత్సమాగంబు విడిచిన నీ స్మరణ విజ్ఞానవాసన గాదుగాన	॥ఏది॥
యిహదేవతాప్రభలనెల్ల వెలుఁగుట నీకు సహజమనవలెఁ గాని సరిఁ గొలువరాదు అహిమాంశుకిరణంబు లన్నిచోట్లఁ బరగు గ్రహియింపరా దవగ్రాహములు గాన	॥ఏది॥
యింతయునుఁ దిరువేంకటేశ నీ వునికిఁ దగఁ జింతింపవలెఁ గాని సేవింపరాదు అంతయు [2]ననరుహమును నరుహం బనఁగరాదు అంతవానికిఁ బరుల కలవడదుగాన	॥ఏది॥

---

^[1] ‘సత్సమాగమము’ అని పూ.ము.పా.

^[2] ‘అనర్హ’, ‘అర్హ’ అని పూ.ము.పా.