ఆంధ్రభారతి - తాళ్లపాక అన్నమాచార్య కీర్తనలు - ఎంతసేసినా నెడయకే పోయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 11-5
సంపుటము: 1-71

తాళ్లపాక అన్నమాచార్య

రాగము: కన్నడగౌళ

ఎంతసేసినా నెడయకే పోయ ముంతలోని నీట మునిఁగి లేచుట	॥ఎంత॥
ఉట్టిపై చెరలాట మూరఁ బొత్తులకూడు పట్టుచాలని కొమ్ము(మ్మ?) బహునాయకము వెట్టిమోపరిలాగు వెఱ్ఱివోయిన పోక నట్టింటి వైరంబు నగుఁబాటు బ్రదుకు	॥ఎంత॥
రాకపోకలచేత రాఁగిన పెనుఁబుండు వాకులేని వరము వలవని వలపు యేకాలము వేంకటేశుని కృపలేక ఆకడీకడ నడయాడెడి నడపు	॥ఎంత॥