ఆంధ్రభారతి - తాళ్లపాక అన్నమాచార్య కీర్తనలు - సొరిది మమ్మిట దయఁజూతువు గాకా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 155-1
సంపుటము: 2-257

తాళ్లపాక అన్నమాచార్య

రాగము: సామంతం

సొరిది మమ్మిట దయఁజూతువు గాకా వెరసి మరి యెక్కడా నేమి విన్నవించే మిఁకను	॥పల్లవి॥
తలఁచితి నీరూపము తగిలితి నీపాదాలు కలసితి నీదాసుల గమిలోనను చలివాసె భవములు సడిదీరెఁ గర్మములు యెలమి నీమహిమలు యేమి చెప్పే మిఁకను	॥సొరి॥
నీముద్రలు ధరించితి నీగుణాలు వొగడితి చేముట్టి పూజించితి శ్రీయంగాలు తామసములెల్లా నూడె తతివచ్చె సాత్వికము గోమున మరేమి నిన్ను కొసరే మిఁకను	॥సొరి॥
తిరుమణి ధరించితి తీర్థపస్రాదాలు గొంటి విరవైన నీకథలు వీనుల వింటి పరగ శ్రీవేంకటేశ పరము నిహముఁ గంటి అరసి యితర మేమి ఆశపడే మిఁకను	॥సొరి॥