ఆంధ్రభారతి - తాళ్లపాక అన్నమాచార్య కీర్తనలు - అంతరంగములో నున్న హరియే గతిగాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 155-3
సంపుటము: 2-259

తాళ్లపాక అన్నమాచార్య

రాగము: దేసాళం

అంతరంగములో నున్న హరియే గతిగాక చింతించి మొక్కితేఁ దానే చేకొని రక్షించును	॥పల్లవి॥
పుట్టించిన కర్మమే పోషించకుండునట బెట్టుగా మనసే మఱపించునట పట్టైన మేనే ఆసల బతిమాలింపించునట చుట్టములెవ్వరు యెంచి చూచినఁ బ్రాణికిని	॥అంత॥
పక్కన విత్తినభూమి పంట వండకుండునట యెక్కడా మాయే భ్రమయింపించునట అక్కరతోఁ జేసిన పుణ్యమే కట్టివేసునట దిక్కు దెస యెవ్వరు యీ దేహిఁ గరుణించను	॥అంత॥
ఆసలఁ బెట్టే పాయమే అటమటమౌనట సేసే సంసారమే జ్ఞానిఁ జేయునట వేసరక యింతకూ శ్రీవేంకటేశు డేలికట వెూసపుచ్చేవారెవ్వరు ముదమే జీవునికి	॥అంత॥