ఆంధ్రభారతి - తాళ్లపాక అన్నమాచార్య కీర్తనలు - ఎంతలేదు నీబత్తి యెరఁగరా యిందరును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 160-5
సంపుటము: 2-291

తాళ్లపాక అన్నమాచార్య

రాగము: శ్రీరాగం

ఎంతలేదు నీబత్తి యెరఁగరా యిందరును దొంతిఁబెట్టేవు ప్రియాలు దొరకుదాఁకాను	॥పల్లవి॥
పొరుగాపెపై వలపు పూనేవు నామీఁద వరుసల వద్ది కాపె వచ్చుదాఁకాను సరుస నావంక నీవు చక్కఁ జూచే వప్పటిని అరసి యవ్వలిపొందు అదనౌదాఁకాను	॥ఎంత॥
కడవారిపొందు నాతోఁ గసి వుచ్చు‌కొనే విట్టే అడరి వారితో మాఁట లందుదాఁకాను నడుమ నవ్వులెల్లాను నవ్వేవు యీవేళను వుడివోనియట్టి కాఁగి లొనరుదాఁకాను	॥ఎంత॥
పోరచి వనితమారు పొదిగేవు నన్ను నిట్టే చేరి యాపె నిన్నుఁ గూడి చెలఁగుదాఁకా యీరీతి శ్రీవేంకటేశ యిట్టె నన్నుఁ గూడితివి కోరికె లన్నియునుఁ జేకూరుదాఁకాను	॥ఎంత॥