అధ్యాత్మ సంకీర్తన
రేకు: 164-5
సంపుటము: 2-310
రేకు: 164-5
సంపుటము: 2-310
తాళ్లపాక అన్నమాచార్య
రాగము: శ్రీరాగం
| దైవమా నీ వొక్కఁడవే దక్కిన ధనము గాక యీవలానావలా మఱి యెంచ నేమున్నది | ॥పల్లవి॥ |
| పుట్టినవారికెల్లా పొత్తుల దీజగము మెట్టికూచుండే యరఁగు మేదినియల్లా బట్టబయటి భోగాలు బంతికూటిబోజనాలు పట్టి తమపని యేరుపరచ నేమున్నది | ॥దైవ॥ |
| పంచుకొన్నభాగాలు పంచమహాభూతాలు పంచేంద్రియములే పరివారాలు యెంచి నడచేకాలమే యిందరికి నుంబళి తెంచి యెచ్చుకుందు లిందుఁ దెలుప నేమున్నది | ॥దైవ॥ |
| మనోవికారాలు మానుషపు టెఱుకలు వినోదమాత్రాలు వేడుకలెల్లా యెనలేని శ్రీవేంకటేశ నీమహిమ లివి వెనకా ముందరా విన్నవించ నేమున్నది | ॥దైవ॥ |