ఆంధ్రభారతి - తాళ్లపాక అన్నమాచార్య కీర్తనలు - అతఁడు లోకోన్నతుఁ డాదిమపురుషుఁడు అన్నిటాను పరిపూర్ణుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 165-2
సంపుటము: 2-313

తాళ్లపాక అన్నమాచార్య

రాగము: నాదరామక్రియ

అతఁడు లోకోన్నతుఁ డాదిమపురుషుఁడు అన్నిటాను పరిపూర్ణుఁడు చతురుఁడితఁడే రక్షించఁగలవాఁడు శరణని బ్రదుకవో వో మనసా	॥పల్లవి॥
మరుతండ్రిఁ జూచిన మంచికన్నులను మరొకరిఁ జూచిన నింపౌనా సిరువరు నామమునొడిగిన నోరను చిక్కిన పేరులు యితవౌనా పరమాత్ముఁ దలచిన మనసులోపలను పరులఁ దలఁచితే నొడంబడునా కరుణానిధి పుణ్యకథలువినిన చెవుల కడలసుద్దులు విన సమ్మతించునా	॥అతఁ॥
నరహరిఁ బూజించినయట్టి కరములు నరుల సేవసేయ నరుహములా మురహరు శరణని మొక్కిన శిరసున మూఢులకు మొక్క నుచితములా హరిమందిరమున కరిగెడు పదములు అధములిండ్ల కేఁగఁగ నలవడునా పురుషోత్తము లాంఛనము మోచిన మేను భువి హీనవృత్తికిఁ బొసఁగీనా	॥అతఁ॥
గోవిందుఁడే దిక్కై వుండు ఘనులకు కొలిపీనా దేవతాంతరంబులు భూవల్లభుదెసఁ బుట్టిన జ్ఞానము పొంది వేరొకట నిలిచీనా శ్రీవేంకటపతిపై నిడిన భక్తి చెలులపై నునుపఁగఁ దగవవునా దేవకినందనుఁ డితనిదాసులఁ దెలియఁగ జడులకుఁ దరమయ్యీనా	॥అతఁ॥