ఆంధ్రభారతి - తాళ్లపాక అన్నమాచార్య కీర్తనలు - పరులకైతే నిదే పాపము గాదా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 165-5
సంపుటము: 2-316

తాళ్లపాక అన్నమాచార్య

రాగము: నాదరామక్రియ

పరులకైతే నిదే పాపము గాదా పురిగొని నీవంకఁ బుణ్యమాయఁ గాక	॥పల్లవి॥
పరమపురుష నీవు పట్టినదే ధర్మము అరసి నీవు చెల్లించినదే సత్యము ధరలోన నీరెంటికి తండ్రితో విరోధించఁగ దొరసి ప్రహ్లాదునకు దోడైనదే గురుతు	॥పరు॥
నారాయణుఁడ నీవు నడిపినదే తగవు ఆరూఢి నీ వౌన్ననదే ఆచారము సారెకుఁ దమయన్నతో చండిపడి పెనగఁగ కోరి సుగ్రీవు వహించుకొన్నదే గురుతు	॥పరు॥
శ్రీవేంకటేశ నీవు చేసినదే నీతి చేవతో నీ వొడఁబరచినదే మాట కావించి తాతతోఁ బోరఁగా నీవు చక్రమెత్తి ఆవేళ నడ్డమైనందుకు అర్జునుఁడే గురుతు	॥పరు॥