ఆంధ్రభారతి - తాళ్లపాక అన్నమాచార్య కీర్తనలు - ప్రపన్నులకు నిది పరమాచారము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 166-1
సంపుటము: 2-317

తాళ్లపాక అన్నమాచార్య

రాగము: నాదరామక్రియ

ప్రపన్నులకు నిది పరమాచారము విపరీతాచారము విడువఁగవలయు	॥పల్లవి॥
భగవదపచారము భాగవతాపచారముఁ దగులక దేవతాంతరము మాని నగధరు శరణము నమ్మి యాచార్యుని బగివాయనిదే పరమవైష్ణవము	॥ప్రప॥
దురహంకారము దుఃఖము సుఖమునుఁ బొరయక ప్రాకృతులపొంతఁ బోవక దరిశనాభిమానాన ధర్మము వదలక పరిశుద్ధి నుండుటే పరమవైష్ణవము	॥ప్రప॥
ఉపాయాంతరము లొల్లక భక్తి చేపట్టి యెపుడూఁ దీర్థప్రసాదేచ్ఛ తోడ నిపుణత శ్రీవేంకటనిలయుఁడే గతియని ప్రపత్తి గలుగుటే పరమవైష్ణవము	॥ప్రప॥