ఆంధ్రభారతి - తాళ్లపాక అన్నమాచార్య కీర్తనలు - నీవే మాకు దిక్కు నిన్నే తలఁతుము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 168-2
సంపుటము: 2-329

తాళ్లపాక అన్నమాచార్య

రాగము: ధన్నాసి

నీవే మాకు దిక్కు నిన్నే తలఁతుము కావు మా నేరమెంచక కరుణానిధీ	॥పల్లవి॥
నెట్టన సూర్యులోని నెలకొన్న తేజమా గట్టిగాఁ జంద్రునిలోని కాంతిపుంజమా పుట్టిరక్షించే యజ్ఞపురుషుని ప్రకాశమా వొట్టుక దేవతలలోనుండిన శక్తీ	॥నీవే॥
సిరులుమించిన యట్టిజీవులలో ప్రాణమా గరిమ వేదములలోఁ గల యర్థమా పరమపదమునందుఁ బాదుకొన్న బ్రహ్మమా చరాచరములలో సర్వాధారమా	॥నీవే॥
జగములో వెలిసేటిసంసారసుఖమా నిగిడినమంత్రముల నిజమహిమా మిగుల శ్రీవేంకటాద్రిమీఁదనున్నదైవమా ముగురువేల్పులలోని మూలకందమా	॥నీవే॥