ఆంధ్రభారతి - తాళ్లపాక అన్నమాచార్య కీర్తనలు - పసులఁ గాచుట యెట్టు బండిబోయిఁడ వౌటెట్టు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 168-5
సంపుటము: 2-332

తాళ్లపాక అన్నమాచార్య

రాగము: దేవగాంధారి

పసులఁ గాచుట యెట్టు బండిబోయిఁడ వౌటెట్టు వెస నిన్నుఁ దలఁచితే వెరగయ్యీ నాకు	॥పల్లవి॥
వరుస నంతరియామిత్వము నవతారములు పరగ మూఁడుమూర్తుల ప్రభావము పరమపదము పరాత్పరము బ్రహ్మమునై తిరమైన యాదిదేవదేవుఁడవు నీవు	॥పసు॥
అనిశము జీవులకు నణువుకు మహత్తుకు వెనుకొన్న మాయకు విరాట్టుకు పొనుఁగని మహిమల పొడవుకుఁ బొడవైన దినకరకోటికోటితేజమవు నీవు	॥పసు॥
సర్వశాస్త్రములలో సనకాదులలో పర్విన గరుడానంతప్రముఖులలో సర్వదా మెలఁగుచు జనవరదుఁడవై వుర్వి శ్రీవేంకటాద్రినున్న దేవుఁడవు	॥పసు॥