ఆంధ్రభారతి - తాళ్లపాక అన్నమాచార్య కీర్తనలు - ఏపొద్దూ నీచేఁతలెల్లా యెదుటనే కానవచ్చీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 169-1
సంపుటము: 2-333

తాళ్లపాక అన్నమాచార్య

రాగము: దేవగాంధారి

ఏపొద్దూ నీచేఁతలెల్లా యెదుటనే కానవచ్చీ వీఁపు గానరాఁగా దాఁగే విద్య నీది గాక	॥పల్లవి॥
పుట్టిన మెకానకుఁ బూరి మేయ నేరిపిరా అట్టె పిల్లలఁ బెట్ట నటు నేర్పిరా చుట్టి నీళ్లున్నచోటు సోదించ నేరిపిరా మట్టులేని దింతా నీమాయ యింతేకాక	॥ఏపొ॥
తీవెలకుఁ జుట్టి చుట్టి దిక్కులఁ బాఁక నేరిపిరా తావులఁ దతికాలానఁ బూవ నేరిపిరా వేవేలు పక్కొమ్మలు వెసఁ బెట్ట నేరిపిరా యేవలఁ జూచినా నీమహిమ లింతేగాక	॥ఏపొ॥
కోరి పక్షులు కొరులు గూండ్లువెట్ట నేరిపిరా సారె జాతియ్యాహారాలచవి నేర్పిరా యీరీతి శ్రీవేంకటేశ యిన్నియు లోకములోన చేరి నీవు సేసిన సృష్టి యింతే కాక	॥ఏపొ॥