ఆంధ్రభారతి - తాళ్లపాక అన్నమాచార్య కీర్తనలు - తెలియరాదు నీమాయ తెరమరఁగు పెక్కు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 169-3
సంపుటము: 2-335

తాళ్లపాక అన్నమాచార్య

రాగము: దేవగాంధారి

తెలియరాదు నీమాయ తెరమరఁగు పెక్కు- వలలఁ జిక్కక నిన్నే కొలువఁగవలయు	॥పల్లవి॥
చూడఁగ నీజగత్తుకు సూత్రధారివి నీవు జోడై నీసూత్రాన నాడుచును సర్వంబునున్నది యేడఁ జూచిన నీవుందు వెవ్వరికిఁ గానరావు వోడక స్వతంత్ర మొకరిపై వేతువు	॥తెలి॥
మఱపించాఁ దలఁపించా మర్మజ్ఞుఁడవు నీవు గుణియై నీసంకల్పము కొలఁదే యీజీవులెల్లా మఱి నీ వీశ్వరుఁడవు మాఁటలకుఁ జిక్కవు కఱకరి నితరులఁ గర్తలఁగాఁ జేతువు	॥తెలి॥
అందరిమొర లాలించి అట్టె రక్షింతువు నీవు కందువ శ్రీవేంకటేశ కానవచ్చె నీమహిమ చెంది వరము లిత్తువు చేతికి సులభుఁడవు సందడి నెవ్వరినైనా సరిగా మన్నింతువు	॥తెలి॥