ఆంధ్రభారతి - తాళ్లపాక అన్నమాచార్య కీర్తనలు - నీవే దయదలఁచుక నెమ్మి రక్షించుట గాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 169-4
సంపుటము: 2-336

తాళ్లపాక అన్నమాచార్య

రాగము: ధన్నాసి

నీవే దయదలఁచుక నెమ్మి రక్షించుట గాక యీవలఁ గొలిచేనంటే యీడైనవాఁడనా	॥పల్లవి॥
పరగ నేమైనా విన్నపము చేసుకొనేనంటే హరి నీకు నెదురుమాఁటాడేవాఁడనా గరిమ సువస్తువులు కానుక ఇచ్చేనంటే సరుస నీకన్నా నేను సంపన్నుఁడనా	॥నీవే॥
మెలఁగి నీగుణాలకు మెచ్చి సంతోషించేనంటే జలజాక్ష నే నీతో సరివాఁడనా బలువైనా నీపరమపదము గోరేనంటే వలనైన నీతోడివంతువాఁడనా	॥నీవే॥
తాలిమితో నాలో నిన్ను ధ్యానము సేసేకంటే పాలఁసుడ నేను నీపాటివాఁడనా యేలితివి శ్రీవేంకటేశ నన్నుఁ గృపతోడ యీలీల నీమహిమలు యెరిఁగేటివాఁడనా	॥నీవే॥