ఇలయును నభమును నేకరూపమై జలజల గోళ్ళు జళిపించితివి	॥ఇలయును॥
ఎడసిన నలముక హిరణ్యకశిపునిఁ దొడికిపట్టి చేతుల బిగిసి కెడపి తొడలపై గిరిగొన నదుముక కడుపు చించి కహకహ నవ్వితివి	॥ఇలయును॥
రొప్పుల నూర్పుల రొచ్చుల కసరులు గుప్పుచు లాలలు గురియుచును కప్పిన బెబ్బులి కసరు హుంకృతుల దెప్పరపసురల[1] ధృతి[2] యణఁచితివి	॥ఇలయును॥
పెళ పెళ నార్చుచుఁ బెడబొబ్బలిడుచు థళథళ మెఱువఁగ దంతములు ఫళఫళ వీరవిభవ రసరుధిరము గుళగుళ దిక్కుల గురియించితివి	॥ఇలయును॥
చాతిన ప్రేవుల జన్నిదములతో వాతెర సింహపు వదనముతో చేతులు వేయిటఁ జెలగి దితిసుతుని పోతర మణఁపుచు భువి మెరసితివి	॥ఇలయును॥
అహోబలమున నతిరౌద్రముతో మహామహిమల మలయుచును తహతహ మెదుపు[3]చుఁ దగు వేంకటపతి యిహముఁ బరముఁ మా కిపు డొసఁగితివి	॥ఇలయును॥

---

^[1] ‘ధ్రితి’ అని రేకు.

^[2] నిడురేకు 10- దిటమణ.

^[3] నిడురేకు 10- లెడపుచు.