ఆంధ్రభారతి - తాళ్లపాక అన్నమాచార్య కీర్తనలు - అందరి రక్షించే దేవుఁ డాదరించీ జీవులను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 170-5
సంపుటము: 2-343

తాళ్లపాక అన్నమాచార్య

రాగము: హిందోళవసంతం

అందరి రక్షించే దేవుఁ డాదరించీ జీవులను పొందుగా యీమేలెరిఁగి పొగడరో లోకులు	॥పల్లవి॥
వనము వెట్టినవాఁడు వాఁడకుండా నీరు వోసి పెనచి కలుపు దీసి పెంచినయట్లు పనివడి గొల్లవాఁడు పచ్చికపట్టునఁ బసుల తనియఁగ నిల్పి నిల్పి తానే మేపినట్లు	॥అంద॥
కన్నతల్లి బిడ్డలకు కానుక వెన్నయుఁ బాలు- నన్నము నిడి రక్షించినటువలెను యెన్నఁగ బంట్లనేలే యేలిక జీతాలు వెట్టి మన్నించి కాచుకొని మనిపినయట్లు	॥అంద॥
వసుధ వైద్యుఁడైనవాడు మందుమాకు లిచ్చి పొసఁగ దేహధారులఁ బోషించినట్లు యెసఁగ శ్రీవేంకటేశుఁ డితఁడే విశ్వకుటింబి పసగా వరము లిచ్చి భావించీనట్లు	॥అంద॥