ఆంధ్రభారతి - తాళ్లపాక అన్నమాచార్య కీర్తనలు - పనిగొన నేరిచితే పాపమే పుణ్యమౌను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 172-2
సంపుటము: 2-351

తాళ్లపాక అన్నమాచార్య

రాగము: దేసాళం

పనిగొన నేరిచితే పాపమే పుణ్యమౌను నినుఁ గొలిచేయట్టి నీసేవకులకు	॥పల్లవి॥
మనసు చంచలమైనా మరి నిన్నుఁ దలఁచితే జనులకు నిహపరసాధనమౌను తనువు హేయమైనా తగ నిన్నుఁ గొలిచితే పనివడి యంతలోనే పవిత్రమౌను	॥పని॥
కర్మము బంధకమైనా కమ్మి నీసొమ్ముచేసితే- నర్మిలి మోక్షమియ్య నాధారమౌను మర్మము కోరికయైనా మహి నీభక్తికెక్కితే ధర్మములకుఁ బరమధర్మము దానౌను	॥పని॥
జగమెల్ల మాయయైనా సరి నీకే శరణంటే పగటున నదే తపఃఫలమౌను అగపడి శ్రీవేంకటాధిప నన్నేలితివి మిగులా నిహమైనా మించి పరమౌను	॥పని॥