ఆంధ్రభారతి - తాళ్లపాక అన్నమాచార్య కీర్తనలు - వాఁడె వో ప్రహ్లాదవరదుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 172-6
సంపుటము: 2-355

తాళ్లపాక అన్నమాచార్య

రాగము: నాట

వాఁడె వో ప్రహ్లాదవరదుఁడు వాఁడె వో భక్తవత్సలుఁడు	॥పల్లవి॥
కోర దవడలతోడ కోటి సూర్యతేజముతో హారకేయూరాది భూషణాంబరాలతో చేరి బ్రహ్మాదులెల్లాను సేవలు సేయఁగాను మేర మీరిన శిరుల మేడలో నున్నాఁడు	॥వాఁడె ॥
తెల్లని మేనితోడ తీగెనవ్వులతోడ చల్లని గంధముల వాసనలతోడ పెల్లుగా నారదాదులు పేరుకొని నుతించఁగా వెల్లవిరిఁ గొలువై వేడుక నున్నాడు	॥వాఁడె ॥
సంకుఁజక్రముల తోడ జంట పూదండలతోడ పొంకపు నానావిధ భోగములతో అంకపు శ్రీవేంకటాద్రి నహోబలమునందు అంకెలనే పొద్దూ నెలవై తానున్నాఁడు	॥వాఁడె ॥