ఆంధ్రభారతి - తాళ్లపాక అన్నమాచార్య కీర్తనలు - ఒకటి సుజ్ఞానము ఒకటి అజ్ఞానము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 173-2
సంపుటము: 2-357

తాళ్లపాక అన్నమాచార్య

రాగము: ధన్నాసి

ఒకటి సుజ్ఞానము ఒకటి అజ్ఞానము ప్రకటించి వొకటి చేపట్టరో వివేకులు	॥పల్లవి॥
తనుఁ దలచుకొంటేను తక్కిన దేహభోగాలు పనికిరావు అవి ప్రకృతి గాన ఘనమైన లోకభోగములతో లోలుఁడైతే తనుఁ గానరాదు జీవతత్వము గాన	॥ఒక॥
దైవము నెఱిఁగితేను తన కామ్యకర్యములు భావించి మఱవవలె బంధాలు గాన కావించేటి తన కామ్యకర్మాలఁ గట్టువడితే దైవము లోను గాఁడు స్వతంత్రుఁడు గాన	॥ఒక॥
సరిమోక్షము గోరితే స్వర్గము తెరువు గాదు అరయ స్వర్గము తెరు వల మోక్షానకు పరగ నలమేల్మంగపతి శ్రీవేంకటేశుని శరణాగతియె సర్వసాధనము గాన	॥ఒక॥